ഒരു ഹൈക്കു കവിതയിലെ വരികൾ പോലെ അലിഞ്ഞില്ലാതാവണം
ധനുഷ്കോടിയിലെ മണൽതരിത്തിരകൾ പോലെ ലയിച്ചില്ലാതാവണം
ആദ്യം പെയ്ത മഴയുടെ മണം പോലെ ഇഴുകി ചേരണം
ചെമ്പൊട്ടു സൂര്യൻകടലിലെപോലെ മുങ്ങിതാഴണം
ഒരായിരം വെള്ളിമേഘങ്ങളിക്കിടയിലെ കുഞ്ഞു മേഘം പോലെ
മിന്നിമറയുന്ന പെരുന്നാൾ പിറപോലെ
കുത്തുവിളക്കിലെ കരിന്തിരി പോലെ
ഈറൻ പാതയിലെ നിറനക്ഷത്രത്തിളക്കം പോലെ
പ്രേയസിയുടെ ഇമപൊലിമപോലെ
ഞാനില്ലാതാവണം